Atila en Galicia

Alfonso Daniel Rodríguez Castelao

Atila en Galicia é o título do segundo dos tres álbums da guerra que publicou Castelao, en 1937, no seu labor en defensa da República e como denuncia internacional da represión que estaba sufrindo Galicia por parte dos fascistas. O álbum foi editado en Valencia en xullo de 1937 polo Comité Nacional da Confederación Nacional do Traballo, e está formado por dez estampas debuxadas a tinta chinesa. En cada unha delas hai un breve título en galego, manuscrito polo autor, ampliado polo editor co mesmo texto en castelán, francés, inglés e sueco. Foi reeditado por Akal en 1978, nun facsímile que popularizou o álbum en España. O propio Castelao explica a razón de ser do álbum nas primeiras páxinas, con esta xa famosa cita súa: Moitas veces os mártires crean mundos que os herois nin tansiquera son capaces de concebir. E na miña Terra complirase a vontade dos mártires. Galego