FRASEOLOXÍA DE MOSCOSO E OUTROS MATERIAIS DE TRADICIÓN ORAL.

VENTÍN RURÁN, José Augusto.

Enc. en tapa blanda de la editorial con solapas. 469 pp. Publicado en Cadernos de Fraseoloxía Galega. Xunta de Galicia. Santiago de Compostela, 20017. Este Anexo 1, 2007 de Cadernos de Fraseoloxía Galega é unha monografía que rescata o arquivo fraseolóxico e etnográfico de José Augusto Ventín Durán (Moscoso 1884-1942), e inclúe unha colección de 2.618 refráns clasificados por temas (máis 74 refráns sobre Galicia e os galegos; 15 refráns espigados a eito na Celestina); 314 ditos e locucións; 173 pragas e outras fórmulas; varios alcumes xenofóbicos, topofóbicos e doutros tipos; 697 cantigas; 2 romances; 1 canto de xaneiras; o inicio dun estudo das afinidades entre o cantigueiro galego e o portugués e tamén o castelán; varias cantigas galego-fóbicas; 72 contos populares e 3 adiviñas. Remata con oracións populares, anotacións varias e bibliografía sobre a literatura galega. O resultado é unha edición crítica de 470 páxinas, ás que hai que engadi-las 66 páxinas do prólogo no que o equipo de edición formado por Xesús Ferro Ruibal, Raquel Rial Santos, Emma Mª Salgueiro Veiga e Ana Vidal Castiñeira estudan os manuscritos nos seus detalles, problemas e riqueza. A obra tamén inclúe unha nota biográfica feita por José Augusto Ventín Pereira, neto do autor.