Correa Corredoira Os días pintados

Catálogo de exposición

Resumir nun só volume os máis de corenta anos da traxectoria como pintor de Xabier Correa Corredoira (A Coruña, 1952) semellaba a priori unha tarefa extremadamente complexa tendo en conta a dimensión e a excepcional calidade da súa produción. Sen embargo, o feito de que o desenvolvemento deste publicación discorrese desde un primeiro momento en paralelo ao concepto e posta en marcha da primeira gran retrospectiva dedicada á obra pictórica do artista, e que en ambos procesos a súa participación fose esencial, foi chave para que tanto a exposición como o catálogo acadasen finalmente o seu obxectivo: ofrecer unha visión o máis completa posible acerca da pintura dun dos artistas fundamentais para comprender a evolución da arte e da cultura en Galicia. Para iso, ademais de recoller parte da obra presente na exposición homónima, o presente volume inclúe outros exemplos significativos da pintura de Correa Corredoira, así como tres textos recuperados para a ocasión de Manuel Rivas, Anxo Rei Ballesteros e Yolanda Castaño e un ensaio inédito do comisario da mostra, David Barro.